मोटरसाइकल बिक्रेता कम्पनीले नयाँ मोडल नेपालमा बिक्री गर्न ल्याउनु पहिले त्यसको इन्जिन क्षमता, स्टाइल र अन्तर्राष्ट्रिय बजारमा गरेको पर्फमेन्सलाई मुख्य आधार बनाउने गरेका छन् । यस्तोमा सन् २०२० भित्र नेपाली बजारमा आउन सक्ने तीन चर्चित मोडलको विषयमा यहाँ हामीले जानकारी दिने प्रयास गरेका छौं ।

१. यामाहा एक्सएसआर १५५

मोटरसाइकल

यामाहाको नेपालको लागि आधिकारी वितरक मोरङ्ग अटो वर्कले भारत बाहेक देशमा उत्पादन भएका नयाँ नयाँ मोडल ल्याउन सुरु गरेकाले उसले ल्याउने सम्भावित मोटरसाइकलको सूचीमा ‘एक्सएसआर १५५’ रहेको छ । वाइजेडएफ–आर १५ भी३ को प्लेटफर्ममा आधारित मोटरसाइकल थाइल्याण्डको बजारमा निकै चर्चामा रहेको छ ।

एक्सएसआर १५५ को लागि आफ्नो चर्चित मोटरसाइकल ‘एमटी १५’ बाट चेसिस, इन्भर्टेड टेलिस्कोपिक फ्रन्ट फोक, रियर मोनोशक, इन्जिन र केही कम्पोनेन्ट्स लिइएको छ ।

यसमा राउन्ड एलईडी हेडल्याम्प र ड्युअल टोन फ्युल ट्यांकी जडान गरिएको छ । १५५ सीसीको सिंगल सिलिन्डर लिक्विड कुल्ड इन्जिन जडान भएको बाइकले १९ बीएच पावर र १४.७ एनएम टर्क जेनेरेट गर्छ । बाइकमा ६ स्पीड म्यानुयल गियरबक्स दिइएको छ ।

ड्युअल च्यानल एबीएस, अलोय ह्वील्स, डिजिटल इन्ट्रयुमेन्ट क्लस्टर, एलईडी हेडल्याम्प्स र स्लिपर क्लचले बाइकलाई प्रिमियम बनाएको छ । नेपालमा २०२० भित्र सार्वजनिक गर्ने अनुमान गरिएको छ । यसको मूल्य ५ लाख पर्ने अनुमान गर्न सकिन्छ ।

२. हिरो एक्स्ट्रीम १६० आर

मोटरसाइकल

हिरोले केही दिनअघि ग्लोवल सेन्टर अफ इनोभेसन एण्ड टेक्नोलोजी जयपुरमा आफ्ना तीन उत्पादन सार्वजनिक गर्यो । यसमा एक्स्ट्रीम १६० आर नयाँ उत्पादन रहेको छ । कम्पनीले यो मोटरसाइलको बिक्री भारतमा मार्चबाट सुरु गर्ने जनाएको छ ।

अन्तर्राष्ट्रिय मिडियासँगको छलफलमा कम्पनीका बिजनेश हेड रजत भार्गवले अन्तर्राष्ट्रिय बजारमा २०२० भित्र यो मोटरसाइकल बिक्री सुरु गर्ने बताएका छन् ।

यस मोटरसाइकलमा १६३ सीसी एयर कुल्ड, एफआई इन्जिन दिइएको छ । उक्त इन्जिनले ८५०० आरपीएममा १५ बीएच पावर र ६५०० आरपीएममा १४ एनएम टर्क प्रदान गर्नेछ । यो नयाँ मोटरसाइकलले ० देखि ६० किलोमिटरको स्पीड केवल ४.७ सेकेन्डमा भेट्टाउने छ ।

यो मोटरसाइकल नेपाली बजारमा भदौमा हुने नाडा अटो शो २०२० मा सार्वजनिक हुने अनुमान गर्न सकिन्छ ।

३. जावा ४२

मोटरसाइकल

महिन्द्रले स्वामित्व किनेर भारतीय बजारमा उत्पादन सुरु गरेको जावा ब्राण्ड नेपाल आउने प्रक्रियामा रहेको छ । हाल भारतीय बजारमा जावाले २ मोडलमा मोटरसाइकल बिक्री गर्दै आएको छ । जावा ४२ र जावा पेरक नेपालमा आउन सक्ने मोडल हुन् ।

सन् २०२० भित्र नेपाली बजारमा जावाका मोटरसाइकल भित्रने अनुमान गरिएको छ । जावा ४२ मा २९३ सीसी ४ भल्भ लिक्वीड कुल्ड एफआई इन्जिन रहेको छ । यो इन्जिनले २७ बीएच पावर तथा २८ एनएम टर्क जेनेरेट गर्छ । यसमा ६ स्पीडको गियरबक्स जडान गरिएको छ ।

भारतीय बजारमा १ लाख ५६ हजार भारतीय रुपैयाँमा बिक्री भइरहेको यो मोटरसाइकल नेपाली बजारमा ५ लाख हाराहारी पर्ने अनुमान गरिएको छ ।

Source : Infotech

LEAVE A REPLY

Please enter your comment!
Please enter your name here